Barn og unge som treng hjelp?

Sula kommune skal vere ein trygg kommune for barn og unge å vekse opp i. Av og til oppstår det likevel utfordringar og vanskar som gjer at ikkje alle har det så bra.

Kva gjer du dersom du lurer på om eit barn eller ein ungdom treng hjelp?

Kven er du?

Treng du hjelp, eller lurer du på om andre treng hjelp?

I vår kommune finn du fleire å snakke med om tankar, kjensler, trivsel og ting du er bekymra for. Det vil sei at du alltid kan finne nokon å snakke med om kva som helst, anten det gjeld deg sjølv, ein ven eller nokon i familien.

Om du har god kontakt med ein vaksen, til dømes ein lærar, kan du snakke med han/ho, eller læraren kan hjelpe deg å finne rett person i rett teneste som du kan snakke med. Alle som jobbar med barn og unge i kommunen har teieplikt, og må ha ditt samtykke for å involvere andre.

Les meir om dei ulike tenestene i vår kommune.

Gode tips om nettsider for barn:

Korleis gå fram med ei uro for eit barn eller ein ungdom?

I vår kommune tek vi alle uroer, små og store, som gjeld barn og unge like alvorleg.

Om du har ei uro for eit ufødd barn, eit barn i familien din, ein ven eller nokon i nabolaget så er det godt å ha ein annan vaksen som kan sjå situasjonen til barnet og bidra til at barnet får den oppfølginga det skal ha. Du kan melde uroa di til alle i kommunen som arbeider med barn og unge. Det kan vere lærar/rektor, tilsett i offentleg eller privat barnehage, helsesjukepleiar, barnevern eller andre. Du kan også kontakte sentralbordet i kommunen for å få råd om kven du kan kontakte.

Les meir om Uro for barn og unge.

I kommunen jobbar vi saman med barnet og familien gjennom BTI – Betre Tverrfagleg Innsats, for å finne fram til gode løysingar.

Les meir om dei ulike tenestene i vår kommune.

Meldeskjema og meir informasjon knytta til å sende bekymringmelding til barnevern finn du her.

Ved mistanke om vald eller overgrep skal du ta kontakt direkte med
Politi 112, barnevernstenesta 99 36 92 78 eller alarmtelefonen for barn og unge 116 111

Handlingsplan mot vald i nære relasjonar – Sunnmøre 2021-2025 (alesund.kommune.no) gi felles retning for kommunane sitt arbeid mot vald i nære relasjonar på Sunnmøre. På side 47 finn du flytskjema for korleis handle om du får mistanke om at barn blir utsett for vald eller overgrep.

Barn og unges helsetenester er utarbeida av Helse Fonna, og blir implementert i Møre og Romsdal. Det er utarbeida 7 samhandlingsforløp som skal fungere som eit kart over ulike tenester, som skal gi innbyggjarar og fagpersonar betre oversikt over ansvarsområder og roller.

Gode tips om nettsider om barn og unge:

Korleis du som tilsett går fram med di bekymring

Som tilsett er du pålagt å handle om du opplever ei uro knytt til eit barn. Det kan vere uro rundt fungering, utvikling, livssituasjon, familieliv, helse, trivsel og liknande som kan ha innverknad på barnet eller ungdommen. Det kan og vere uro for eit ufødd barn.

BTI-rettleiaren kan gi deg informasjon og hjelp til å sikre systematisk oppfølging i situasjonen.

Ved mistanke om vald eller overgrep skal du ta kontakt direkte med
Politi 112, barnevernstenesta 99 36 92 78 eller alarmtelefonen for barn og unge 116 111

Barn og unges helsetenester er utarbeida av Helse Fonna, og blir implementert i Møre og Romsdal. Det er utarbeida 7 samhandlingsforløp som skal fungere som eit kart over ulike tenester, som skal gi innbyggjarar og fagpersonar betre oversikt over ansvarsområder og roller.

Oversikt tenester

Betre tverrfagleg innsats for barn og unge i Sula kommune